Ministry of Foreign Affairs of the Republic of Armenia

03/26/2026 | Press release | Distributed by Public on 03/27/2026 02:32

ՀՀ ԱԳ նախարարի տեղակալի մասնակցությունը Լեռնային գործընկերության 7-րդ գլոբալ հանդիպման պանելային քննարկմանը

ՀՀ ԱԳ նախարարի տեղակալի մասնակցությունը Լեռնային գործընկերության 7-րդ գլոբալ հանդիպման պանելային քննարկմանը

26 մարտի, 2026

Մարտի 26-ին Անդորրայում անցկացվող Լեռնային գործընկերության 7-րդ գլոբալ հանդիպման շրջանակներում ՀՀ ԱԳ նախարարի տեղակալ Ռոբերտ Աբիսողոմոնյանը մասնակցել և ելույթով հանդես է եկել «Լեռներն առանց սահմանների. էկոհամակարգերի պահպանությունը, վերականգնումը և կայուն կառավարումը» խորագրով պանելային քննարկմանը:

Իր խոսքում ԱԳ նախարարի տեղակալ Ռոբերտ Աբիսողոմոնյանը ներկայացրել է ՀՀ կառավարության կողմից իրականացվող քայլերը, այդ թվում` նորարարական տեխնոլոգիաներ ներդնելու գործընթացը և օրենսդրական փոփոխությունները, որոնք նպատակ ունեն բարելավել երկրի կլիմայական դիմակայունության ինստիտուցիոնալ և իրավական շրջանակը:

Անդրադարձ է կատարվել այս տարի Հայաստանում կայանալիք ՄԱԿ կենսաբանական բազմազանության մասին կոնվենցիայի 17-րդ համաժողովին և դրա շրջանակներում նախատեսվող «Առաջնորդների գագաթնաժողովի» անցկացմանը: Ընդգծվել է համաժողովի ընթացքում Կունմին-Մոնրեալի կենսաբազմազանության գլոբալ շրջանակի հանձնառությունների առաջին գլոբալ վերանայման հարցում բոլոր շահագրգիռ կողմերի, այդ թվում՝ գիտական համայնքի, բնիկ ժողովուրդների, տեղական համայնքների մասնակցության ապահովման կարևորությունը:

ԱԳ նախարարի տեղակալը նշել է, որ կլիմայի գործողությունների, կենսաբազմազանության պաշտպանության և հողերի վերականգնման օրակարգերի փոխկապակցվածությունն ապահովում են հենց լեռները՝ իրենց դիմակայուն համայնքներով և ավանդական գիտելիքներով:

ՀՀ ԱԳ նախարարի տեղակալն ընդգծել է Հայաստանի հանձնառությունը՝ ուղղված միջազգային գործընկերների հետ համատեղ լեռնային էկոհամակարգերի պահպանության առաքելության իրականացմանը:

Ministry of Foreign Affairs of the Republic of Armenia published this content on March 26, 2026, and is solely responsible for the information contained herein. Distributed via Public Technologies (PUBT), unedited and unaltered, on March 27, 2026 at 08:32 UTC. If you believe the information included in the content is inaccurate or outdated and requires editing or removal, please contact us at [email protected]