Ministry of Foreign Affairs of Mongolia
Ministry of Foreign Affairs of Mongolia
09/26/2026 | Press release | Distributed by Public on 09/25/2026 23:13
СЭЛЭНГЭ АЙМАГТ “ХҮН БҮР НОМ УНШИЦГААЯ” АЯНЫГ АМЖИЛТТАЙ ХЭРЭГЖҮҮЛЖ, ТЭРГҮҮН БАЙР ЭЗЭЛЛЭЭ
Аймгийн Засаг даргын захирамжаар 2025-2026 онд зохион байгуулсан "Хүн бүр ном уншицгаая" аяны хүрээнд сум орон нутагтаа номын сангийн үйлчилгээг өргөжүүлэх, иргэд, хүүхэд, залуучуудын ном унших сонирхлыг нэмэгдүүлэх чиглэлээр олон талт ажлыг зохион байгуулан ажиллалаа.
Тус аяны хэрэгжилтийг дүгнэхэд Сэлэнгэ аймгийн 17 сум, 6 тосгоноос Баянгол сумын Соёлын төвийн Номын сан ТЭРГҮҮН БАЙР эзэлж, амжилтын шагналаа Сэлэнгэ аймгийн "Номын баяр" арга хэмжээний үеэр гардан авлаа.
Энэхүү амжилт нь номын сангийн үйлчилгээг иргэдэд хүртээмжтэй хүргэх, ном унших соёлыг түгээн дэлгэрүүлэх, уншигчдын оролцоог нэмэгдүүлэх чиглэлээр хэрэгжүүлсэн ажил, санаачилгын үр дүн юм.
Аяныг хэрэгжүүлэхэд хамтран ажиллаж, мэргэжил арга зүйн дэмжлэг үзүүлсэн Сэлэнгэ аймгийн Соёл, урлаг, аялал жуулчлалын газар, Аймгийн нийтийн номын сангийн хамт олонд талархал илэрхийлье.
Мөн аяныг сум орон нутагтаа зохион байгуулах ажлыг хариуцан, идэвх санаачилгатай ажилласан номын санч Н.Долгорсүрэн, номын сангийн үйл ажиллагааг дэмжин хамтран ажилладаг Соёлын төвийн хамт олон болон нийт дэмжигчиддээ чин сэтгэлийн талархал илэрхийлье.
Ministry of Foreign Affairs of Mongolia published this content on September 26, 2026, and is solely responsible for the information contained herein. Distributed via Public Technologies (PUBT), unedited and unaltered, on September 26, 2026 at 05:13 UTC. If you believe the information included in the content is inaccurate or outdated and requires editing or removal, please contact us at [email protected]