Prime Minister's Office of the Islamic Republic of Pakistan

01/01/2026 | Press release | Distributed by Public on 01/01/2026 00:40

وزیراعظم محمد شہباز شریف کا یکم جنوری 2026 پر سال نو کا پیغام

وزیراعظم محمد شہباز شریف کا یکم جنوری 2026 پر سال نو کا پیغام


تمام اہلیان وطن کو نئے سال کی خوشیاں مبارک ہوں۔
اللہ تعالی کے حضور دعا گو ہیں کہ نئے سال کا سورج خوشیوں ،خوشحالی اور اللہ کے فضل و کرم لئے طلوع ہو۔
خدا کرے کہ نئے سال کا ہر دن ملکی سالمیت، قومی ہم آہنگی جیسی اقدار کومضبوط تر کرے اور معاشی آسودگی, سماجی معاشرتی خوشحالی کی نوید لے کر آۓ۔
2025 کا سال دفاع وطن کے اعتبار سےتاریخ میں سنہری حروف میں لکھا جاۓ گا۔
جب مسلح افواج اور قوم نے شانہ بشانہ دشمن کے عزائم کو ناکام بناتے ہوئے معرکہ حق میں تاریخ رقم کی۔
پاکستان کے شاہینوں نے فضائی حدود کا ایسا ناقابل تسخیر دفاع کیا جو دنیا کے لیےمثالی کامیابی اور دنیا کے جنگجووں کے لئے نصابی سطح پر سبق آموز مقابلہ تھا۔
انشاءاللہ پوری قوم اپنی دلیر، بہادر اور باصلاحیت افواج کے ساتھ مل کر ملک کے دفاع میں ہمیشہ سیسہ پلائی ہوئی دیوار ثابت ہوگی۔
گذشتہ برس، دہشت گردی کے حملوں میں مادر وطن کے لئے اپنی جان کی قربانی پیش کرنے والے شہداء کو بھی پوری قوم کی طرف سے آج کے دن خصوصی خراج عقیدت پیش کرتے ہیں۔
حکومت ملک کی معاشی خوشحالی کے لیے ہر ممکن کوشش کر رہی ہے اور حالیہ معاشی اعشاریوں میں بہتری حکومت کی درست اور مثبت سمت کی عکاس ہے۔
گذشتہ برس میں شروع کیے گئی انقلابی معاشی اصلاحات و اقدامات کو مزید تیز رفتار اور بہترین انداز میں اس سال عزم نو کے ساتھ انشاءاللہ جاری رکھیں گے، تاکہ عوام کی معاشی خوشحالی کے لیے مؤثر عملی اقدامات کو یقینی بنایا جا سکے۔
نئے سال کے موقع پر ہم دست دعا ہیں کہ دنیا بھر میں انسانیت کی عزت و تکریم، تحفظ، امن و سلامتی،باہمی آہنگی، رواداری اور بقائے باہمی جیسے سنہری معاشرتی اقدار کے فروغ کے لیے ہر اکائی اپنا مثبت کردار ادا کرتی رہے۔
پاکستان اس عہد کی تجدید کرتا ہے کہ وہ علاقائی اور عالمی امن کے لیے اپنی پرخلوص کاوشوں کو جاری رکھے گا۔
آج کے دن میں حکومت پاکستان اور پاکستانی عوام کی جانب سے کشمیر اور فلسطین کے مظلوم عوام کے لیےخیر سگالی کے جذبات کا اظہار کرتا ہوں.
اللہ تعالی پاکستان کو دہشت گردی، فرقہ واریت ،جرائم اور معاشرتی تقسیم جیسے شر سے محفوظ رکھے۔
خدا کرے کہ آئندہ برس پاکستان معاشرتی و سیاسی ہم آہنگی، خوشحالی اور استحکام کا گہوارہ رہے۔ آمین

Prime Minister's Office of the Islamic Republic of Pakistan published this content on January 01, 2026, and is solely responsible for the information contained herein. Distributed via Public Technologies (PUBT), unedited and unaltered, on January 01, 2026 at 06:41 UTC. If you believe the information included in the content is inaccurate or outdated and requires editing or removal, please contact us at [email protected]