Ayuntamiento de A Coruña

07/31/2026 | Press release | Distributed by Public on 07/31/2026 06:33

Aberta ao público a mostra Re Versións, unha convocatoria para reinterpretar a memoria musical coruñesa a través de 30 obras de artistas locais

Cando:

31 de xullo de 2026

Aberta ao público a mostra Re Versións, unha convocatoria para reinterpretar a memoria musical coruñesa a través de 30 obras de artistas locais

Trátase dunha exposición colectiva que reinterpreta algunhas das portadas máis emblemáticas vinculadas á historia do Festival Noroeste Pop Rock, actual Festival Noroeste Estrella Galicia

O concelleiro de Cultura e Turismo, Gonzalo Castro, e Nonito Pereira, inauguraron esta mañá RE VERSIÓNS, unha iniciativa que convida a reinterpretar a memoria musical coruñesa a través da arte contemporánea tomando como punto de partida a historia do Festival Noroeste Estrella Galicia. Pódense contemplar 30 obras de artistas locais, que se inspiraron nalgunhas das referencias discográficas máis representativas da escena musical relacionada co festival.

A iniciativa ten como finalidade poñer en valor o legado musical da cidade mediante un diálogo entre creación contemporánea e as bandas e artistas que formaron parte da historia do Noroeste Pop Rock, actual Festival Noroeste Estrella Galicia. Para iso, as obras reinterpretan portadas de discos vinculadas ao universo musical do festival, ofrecendo novas lecturas dun patrimonio cultural compartido por varias xeracións. A ter en conta, The Cure, Pretenders, Suede, New York Dolls, Primal Scream, Status Quo, Madness ou The Stranglers.

"Esta mostra reforza o compromiso do Goberno de Inés Rey coa cultura de proximidade, coa memoria musical da Coruña e co talento creativo local, ofrecendo novas miradas sobre un festival que forma parte da identidade cultural da cidade", sinalou Gonzalo Castro.

Poderá visitarse ata o 8 de agosto na Casa Museo Casares Quiroga, de martes a sábado en horario de 11:00 a 13:00 horas e de 17:00 a 20:00 horas, contribuíndo á programación cultural do verán e reforzando o compromiso do Concello coa promoción da cultura e o apoio á creación artística.

Organizaranse visitas comentadas destinadas a contextualizar as propostas e amosar os vínculos entre a memoria musical do Festival Noroeste, o patrimonio documental e a creación contemporánea. Para iso, haberá que cumplimentar o formulario web dispoñible en https://reversionesnoroeste.com.

A actividade está organizada polo Concello da Coruña en colaboración coa Asociación Musical Nonito Pereira.

Ayuntamiento de A Coruña published this content on July 31, 2026, and is solely responsible for the information contained herein. Distributed via Public Technologies (PUBT), unedited and unaltered, on July 31, 2026 at 12:33 UTC. If you believe the information included in the content is inaccurate or outdated and requires editing or removal, please contact us at [email protected]