Ministry of Health - Republic of Albania

12/19/2025 | Press release | Distributed by Public on 12/19/2025 07:02

Ministrja Sala pret homologun nga Maqedonia e Veriut: Forcim i bashkëpunimit dypalësh në shëndetësi

Ministria e Shëndetësisë

Menu

#
Newsroom

Ministrja Sala pret homologun nga Maqedonia e Veriut: Forcim i bashkëpunimit dypalësh në shëndetësi

19 Dhjetor 2025

Newsroom

Ministrja Sala pret homologun nga Maqedonia e Veriut: Forcim i bashkëpunimit dypalësh në shëndetësi

19 Dhjetor 2025

Në kuadër të forcimit të bashkëpunimit rajonal në fushën e shëndetësisë, Ministrja e Shëndetësisë dhe Mirëqenies Sociale, prof. Evis Sala, priti në një takim homologun e Republikës së Maqedonisë së Veriut, z. Azir Aliu.

Gjatë bisedës, palët u ndalën në rishikimin e Planit të Veprimit që buron nga Marrëveshja e Bashkëpunimit mes dy vendeve, duke vënë theksin te nevoja për ta përshtatur atë me zhvillimet dhe sfidat aktuale të sistemeve shëndetësore. Si vende fqinje që përballen me problematika të ngjashme, u theksua potenciali i madh për zhvillimin e projekteve të përbashkëta rajonale, veçanërisht në drejtim të bashkëpunimit ndërmjet spitaleve dhe shkëmbimit të praktikave më të mira profesionale.

Ministrja Sala dhe ministri Aliu diskutuan gjithashtu për ecurinë e procesit të integrimit evropian, duke vlerësuar faktin se Shqipëria dhe Maqedonia e Veriut kanë avancuar paralelisht në shqyrtimin dhe përafrimin e legjislacionit me acquis të Bashkimit Evropian. Në këtë kuadër, u riafirmua angazhimi i përbashkët për forcimin e bashkëpunimit institucional dhe harmonizimin e mëtejshëm të politikave shëndetësore, në funksion të kapitujve përkatës të negociatave.

Takimi dypalësh është një hap i rëndësishëm drejt thellimit të partneritetit rajonal dhe ndërtimit të një qasjeje të koordinuar për përmirësimin e shërbimeve shëndetësore për qytetarët e të dy vendeve.

Shpërndaj

© Ministria e Shëndetësisë 2025 - Të gjitha të drejtat e rezervuara.

Ministry of Health - Republic of Albania published this content on December 19, 2025, and is solely responsible for the information contained herein. Distributed via Public Technologies (PUBT), unedited and unaltered, on December 19, 2025 at 13:03 UTC. If you believe the information included in the content is inaccurate or outdated and requires editing or removal, please contact us at [email protected]