Zëvendësministrja e Mbrojtjes, znj. Blerina Abrazhda, mori pjesë në Ministerialin e Ministrave të Mbrojtjes të NATO-s, që u zhvillua sot në Bruksel

Zëvendësministrja e Mbrojtjes, znj. Blerina Abrazhda, mori pjesë në Ministerialin e Ministrave të Mbrojtjes të NATO-s, që u zhvillua sot në Bruksel

Në fjalën e saj, znj. Abrazhda u ndal në përpjekjet e Shqipërisë për avancimin e prioriteteve të mbrojtjes, në përputhje me vendimet e Samitit të Hagës.

Fotogaleria

"Jemi në një trajektore të qëndrueshme rritjeje të shpenzimeve të mbrojtjes dhe modernizimit cilësor, të shoqëruar me zhvillimin e kapaciteteve të montimit dhe integrimit në zinxhirët e furnizimit të aleatëve, shtimin e aftësive mbrojtëse dhe reaguese, si dhe investime në qëndrueshmërinë kombëtare, përfshirë infrastrukturën kritike", - theksoi zëvendësministrja.

Në përmbyllje të fjalës së saj, znj. Abrazhda përsëriti thirrjen për më shumë vëmendje politike dhe prezencë ushtarake të NATO në rajonin tonë, për të dekurajuar rreziqet e sigurisë në Bosnje-Hercegovinë dhe Kosovë.

Ajo nënvizoi gjithashtu nevojën që çështja e integrimit të Kosovës në NATO të rikthehet në tryezën e diskutimeve, duke theksuar se ky është një hap i rëndësishëm për sigurinë dhe stabilitetin e qëndrueshëm të rajonit.

"Shqipëria mirëpret rritjen e rolit dhe angazhimit të NATO-s në strukturimin e marrëdhënieve me Kosovën, aspirata e së cilës mbetet integrimi euroatlantik", - përfundoi ajo.