Ministri i Mbrojtjes Ermal Nufi pret Presidentin e SACE, në fokus investimet për modernizimin e sektorit të mbrojtjes

Ministri i Mbrojtjes Ermal Nufi pret Presidentin e SACE, në fokus investimet për modernizimin e sektorit të mbrojtjes

Ministri i Mbrojtjes, z.Ermal Nufi zhvilloi sot në Tiranë, një takim me Presidentin e SACE, z.Guglielmo Picchi, me të cilin diskutoi mbi mundësitë e bashkëpunimit në projekte që lidhen me modernizimin dhe zhvillimin e sektorit të mbrojtjes dhe sigurisë.

Gjatë takimit, bashkëbiseduesit u ndalën te mbështetja e nismave që synojnë inovacionin teknologjik, rritjen e kapaciteteve operacionale dhe realizimin e investimeve strategjike në fushën e mbrojtjes. Po ashtu u diskutuan instrumentet financiare dhe garantuese që mund të lehtësojnë zbatimin e projekteve me interes të përbashkët mes dy vendeve.

"Shqipëria mbetet e përkushtuar në forcimin e partneriteteve me vendet aleate dhe institucionet që kontribuojnë në rritjen e sigurisë, qëndrueshmërisë dhe zhvillimit ekonomik të vendit. Modernizimi, inovacioni teknologjik dhe zhvillimi i kapaciteteve në sektorin e mbrojtjes janë prioritete të rëndësishme për vendin tonë", u shpreh ministri Nufi.

Takimi u vlerësua si një hap i rëndësishëm për avancimin e bashkëpunimit mes Shqipërisë dhe institucioneve italiane në mbështetje të projekteve strategjike dhe investimeve me interes të përbashkët.