President of Mongolia

10/16/2025 | Press release | Distributed by Public on 10/15/2025 22:04

Энэтхэг Улсад үндэсний урлаг, соёлоо сурталчиллаа

2025/10/16 12:01:47

Энэтхэг Улсад үндэсний урлаг, соёлоо сурталчиллаа

Монгол Улсын Ерөнхийлөгч Ухнаагийн Хүрэлсүхийн Бүгд Найрамдах Энэтхэг Улсад хийж буй төрийн айлчлал үргэлжилж байна.

Айлчлалын хүрээнд Үндэсний урлагийн их театрын уран бүтээлчид анх удаа Шинэ Дели хотын "Бхарат Мандапам" цогцолборт "Монголын сайхан орон" тоглолтоо толилууллаа.

Уран бүтээлчид монгол үндэстний урлагийн оргил бүтээлүүд болон Энэтхэгийн алдартай бүтээлийг хоёр улсын төр, засгийн хүндэт зочид, нийгэм, соёлын зүтгэлтнүүд, иргэд гээд 3,000 гаруй хүнд өргөн барилаа.

Тоглолтыг Монгол Улсын Ерөнхийлөгч У.Хүрэлсүх, БНЭУ-ын эрх баригч "БЖП" намын дарга, Эрүүл мэнд, гэр бүлийн халамж, химийн бодис, бордоо хариуцсан сайд Ж.П. Надда нар үзэж сонирхлоо.

Энэ үеэр мөн "Монголын сайхан орон" сэдэвт гэрэл зураг, морин хуурын үзэсгэлэн гаргалаа.

President of Mongolia published this content on October 16, 2025, and is solely responsible for the information contained herein. Distributed via Public Technologies (PUBT), unedited and unaltered, on October 16, 2025 at 04:04 UTC. If you believe the information included in the content is inaccurate or outdated and requires editing or removal, please contact us at [email protected]