Ministry of Foreign Affairs of Mongolia

09/09/2025 | Press release | Distributed by Public on 09/08/2025 20:21

“ШИНЭ ХОРШОО-ЧИНЭЭЛЭГ МАЛЧИН” АРГА ХЭМЖЭЭ

"ШИНЭ ХОРШОО-ЧИНЭЭЛЭГ МАЛЧИН" АРГА ХЭМЖЭЭНИЙ ХЭРЭГЖИЛТ БОЛОН МАЛЧДЫН ХОРШООНД ГАЗАР ОЛГОХОД ТУЛГАМДАЖ БУЙ АСУУДЛЫН ТАЛААР ЦАХИМ УУЛЗАЛТ ЗОХИОН БАЙГУУЛЛАА.

Монгол Улсын Засгийн газрын 2024 оны 05 дугаар сарын 01-ний өдрийн "Хууль хэрэгжүүлэх арга хэмжээний тухай" 187 дугаар тогтоолоор "Газар эзэмшүүлэх, ашиглуулах төсөл шалгаруулах" журамд малчдын хоршоонд мал аж ахуйн үйлдвэрлэл эрхлэх зориулалтаар газар эзэмшүүлэх талаар өөрчлөлт оруулсан. Дээрх тогтоолын хэрэгжилтийг хангахтай холбогдуулан малчдын хоршоонд газар олгоход тулгамдаж буй асуудлын талаар цахим уулзалтыг 2025 оны 09 дүгээр сарын 08-ны өдрийн 14.00 цагт зохион байгуулав.

Тус уулзалтад нийт 21 аймгийн Газрын харилцаа, барилга, хот байгуулалтын газрын Газрын удирдлагын хэлтсийн дарга, Газар зохион байгуулалтын төлөвлөлт хариуцсан ахлах мэргэжилтнүүд болон сумдын газрын даамлууд зэрэг 120 гаруй хүн оролцлоо. Уулзалтын үеэр 2026 оны газар зохион байгуулалтын төлөвлөгөөнд малчдын хоршоонд төсөл сонгон шалгаруулах зарчмаар эзэмшүүлэх газрыг хэрхэн төлөвлөх, атар газрыг тариалангийн газрын ангилал руу шилжүүлэх, орон нутгийн удирдлагуудыг малчдын хоршоонд газар олгоход мэргэжил арга зүйн зөвлөмжөөр хангах зэрэг асуудлаар дэлгэрэнгүй мэдээлэл өглөө.

Ministry of Foreign Affairs of Mongolia published this content on September 09, 2025, and is solely responsible for the information contained herein. Distributed via Public Technologies (PUBT), unedited and unaltered, on September 09, 2025 at 02:21 UTC. If you believe the information included in the content is inaccurate or outdated and requires editing or removal, please contact us at [email protected]