Ministry of Foreign Affairs of Mongolia
Ministry of Foreign Affairs of Mongolia
08/14/2026 | Press release | Distributed by Public on 08/14/2026 01:52
COP17: “Зорчигч тээвэр дөрөв” ОНӨААТҮГ 12 автобусаар хоёр чиглэлд үйлчилнэ
Энэ хүрээнд "Зорчигч тээвэр дөрөв" ОНӨААТҮГ 12 автобусаар хоёр чиглэлд үйлчилгээ үзүүлнэ. Тус автобусууд нь COP17-ын зочид, төлөөлөгчдийг байрлаж буй байршлаас хурлын үйл ажиллагаа зохион байгуулагдах газар, мөн буцаад байрлах байршилд нь хүргэх үйлчилгээг хариуцах юм.
Зөвхөн тээвэрлэлт бус, Монгол Улсын нүүр царай болох үйлчилгээ.
Олон улсын өндөр хэмжээний үйл ажиллагаанд оролцож буй зочид төлөөлөгчдийн хувьд нийтийн тээврийн үйлчилгээ нь зөвхөн нэг цэгээс нөгөө цэгт хүргэх хэрэгсэл болоод зогсохгүй Монгол Улсын зохион байгуулалтын чадавх, үйлчилгээний соёл, аюулгүй байдал, мэргэжлийн ур чадварыг харуулах нэг хэсэг болно.
"Зорчигч тээвэр дөрөв" ОНӨААТҮГ-ын үйлчилгээнд гадаад хэлний мэдлэгтэй жолооч нар ажиллах бөгөөд энэ нь хэлний бэрхшээлээс үүдэх ойлголтын зөрүүг багасгаж, зорчигчдод шаардлагатай мэдээллийг шуурхай өгөх, чиглэл болон зорчих үйл явцтай холбоотой асуултад хариулахад бэрхшээл үүсэхгүй юм.
Даваа гарагт үйлчилгээнд гарахад бэлэн.
"Зорчигч тээвэр дөрөв" ОНӨААТҮГ нь COP17-ын үйл ажиллагааны үеэр ажиллах 12 автобусанд холбогдох үзлэг, шалгалт, цэвэрлэгээ, бэлтгэл ажлуудыг хийж дуусган, ирэх даваа гарагт үйлчилгээнд гарахад бүрэн бэлэн болоод байна.
Ministry of Foreign Affairs of Mongolia published this content on August 14, 2026, and is solely responsible for the information contained herein. Distributed via Public Technologies (PUBT), unedited and unaltered, on August 14, 2026 at 07:52 UTC. If you believe the information included in the content is inaccurate or outdated and requires editing or removal, please contact us at [email protected]