MALELEGA MAI LANA AFIOGA I LE AO MAMALU O LE MALO – TUIMALEALIIFANO VAALETO’A SUALAUVI II MO LE KERISIMASI 2025

Le Paia o Fa'auluuluga o Ekalesia Kerisiano uma i Samoa

A outou afioga i Sui o le Fono a Sui Tofia;

Lau afioga i le Alii Palemia ma le Kapeneta, faapea Minisita Lagolago;

Lau afioga i le Faamasino Sili ma Alii ma Tamaitai o le Faamasinoga;

Lau afioga i le Fofoga Fetalai ma Sui Mamalu o le Palemene;

Members of the Diplomatic Corps;

Faauluululuga o Matagaluega ma Faalapotopotoga a le Malo,

Pisinisi ma le Vaega Tumaoti;

Le Paia o le Aufaigaluega Totofi a le Atua;

Le Malutaue'e o Samoa i le afua mai i Mauga tetele seia paia mauga iti. O le paia lava lea auā Tama ma Aiga, o Aiga foi ma Tama.

Le Usoga a Tumua ma Pule, Ituau ma Alataua, Aiga i le Tai ma le Vaa o Fonoti.

E taliu foi ae popo'e leaga e faigata le tapuaiga mau a le faigamalo a Tutuila ma Manu'a. I le afio o le Afioga i le Alii Kovana ma le Kovana Lutena, aemaise le paia maualuga o le Tafatolu o lana Faigamalo. O le paia lava lea auā Sua ma le Vaifanua, Fofo ma Aitulagi, Saole ma le Launiu Saelua. Afifio Faatui, Tootoo o le Faleula ma Upu i le Manuatele. Ua faamalo le soifua manuia.

O lea ua gaga ifo le la o lau folauga Samoa i lenei tausaga. Ua mapu foi i falamatū lau faatufugaga, ina ua taufai puea le matila ma le ofeloa a tautai o le vasa. Ua itea foi le malama nai Saua ina ua ilo fanuaalalo ma ua toe o se aga ona tua'au lea o le ausaga i le faamanatuina o le Kerisimasi o lenei tausaga 2025, e patipatia ai le soifua mai o le pepe fou, e pei ona valoia e le Evagelia a Luka. (Luka 2:11). "Auā o le aso nei ua fanau ai iā te outou i le aai a Tavita le Faaola, o ia o Keriso le Alii." ma o le 'auau lena o se feau tau molimoli o lenei kerisimasi.

Ua ta'oto la 'ao se alao'o le feau o le kerisimasi. Auā ua atoa tupe i le fafao, ua atoa foi li'o o le masina. O lea foi ua tini pa'o le uto ma ua tau foi le matalalaga, ina ua afio mai le Alo o le Atua e soa mafuta ma le tagata. O le fu'a taualuga lea o fuafuaga mamana a le Atua, na ia auina mai ai lona Alo Pele e toatasi e avea ma molimau o lona alofa le faatuaoia i le tagata. Na tu'ua ai e ia lona nofoalii mamalu i le lagi, ae afio mai i le ala maulalo ma le faatauvaa, e laveai ma faaola le tagata agasala. Auā o ia lava o le Keriso na valoia, o le Tupu o Tupu, o le Alii o le filemu.

Samoa e, e le toe tau faalaeia le ma'a ina ia osofia, auā ua laulauvivilu ma tapisa le lalolagi atoa i le ofoofogia o le alofa o le Atua na fa'aalia i le soifua mai o le pepe fou. E ui i le faatauvaa o le fale o manu i Peteleema, ae na afua mai ai le alofa tunoa o le Atua i le tagata. O le alofa e lē saili i le faaeaina i le nofoalii ma le pule malosi, ae na saili lava i le faatauva'a ma le soifua ofoina atu.

E le nā ma le laina, e lei faigofie la tatou savaliga o lenei tausaga. Auā e iai taimi e agi fisaga ai le matagi ma taimi e to fa'asulusulu ai le la'i. O luitau nei o le soifuaga na fesouaina ai le tatou folauga, ma tauau ai ina leai so tatou faamoemoe. Ae o le fe'au o le Kerisimasi e fa'amanatu mai ai pea ia tei tatou, e lē tu'ua lava i tatou e le Atua. E le mafai ona ia faateaeseina i tatou mai lona alofa auā o le auga o ute lena o lona afio mai ina ia o tatou maua faamanuiaga o lona alofa tunoa. O le soifua mai foi o le Alii Faaola, o le fa'ailoga lea o le fa'amoemoe fou i lona alofa ma le filemu e le mavae.

E muai momoli ai le faafetai i Taitai o Ekalesia, faapea le aufaigaluega totofi a le Atua o lo'o fa'afalelēmalu i itu e fia o Samoa. O lo outou faasifoga i le Atua i le ao ma le po e ala i lo outou faiva faaositaulaga, o lo'o manuia ai pea Samoa ma lana faigamalo. Ua faamalo le tatalo, faafetai le faitaulaga.

Lau Afioga i le Alii Palemia ma le mamalu o le Kapeneta, ua faamalo i lo outou tulai mai i le foe, e faatautai le sa o Samoa i lenei paeaiga a le Palemene. O outou lava o lupe na fa'ia mai le fuifui e faatautai le sa o Samoa. O a foi ni fatiatamai i futia ua sola, ia faatafea i le 'auau o le matagi. Ae saga'i ane ai o le tai i o outou faiva manaia, e afua lalaga le sa o Samoa auā lava se manuia o le atunuu. O outou mama na.

Lau afioga i le Fofoga Fetalai ma Sui mamalu uma o le Palemene o Samoa. Ua faamalo i lo outou sao i matau auā upufai o malo. O lea ua maea ona outou sua le tuli auā Samoa ma lana tapuaiga. Ua tau foi lo outou 'ai, ina ua pale'auau ma ua taoto i lagatonu le tamaoaiga o le atunuu i lenei tausaga, lea ua folau ai i lagito'a ma tai malū le sa o Samoa. Ua faamalo le faatoatoa.

E momoli foi le faamalo i lau Afioga i le Faamasino Sili ma Alii ma Tamaitai o le Faamasinoga. Faafetai i lo outou tauvameaina pea o tiute ma matafaioi fa'alefaamasinoga ina ia mautinoa o lo'o malu le tulafono. E le o se faiva faigofie la outou pitola'au, ae faamoemoe pea i le Atua, e na te taialaina lo outou valaauina ina ia manuia ma toafilemu le atunuu.

E le faaitiitia foi le agaga faafetai i le mamalu o le aufaigaluega a le Malo, o Pisinisi ma le Vaega Tumaoti, aemaise a tatou paaga mai fafo, mo auaunaga faifaipea i le Malo ma le atunuu. Faamalo le onosai ma le sailimalo.

E le faagaloina foi le tapuaiga a Samoa le atunuu pele, i le afua mai i mauga tetele seia paia mauga iti. I le Pulega Mamalu a alii ma faipule, o Faletua ma tausi, o saoao ma le malosi o Nu'u ma afioaga. Faafetai mo la outou tautua faifaipea i so'o se matata, e lagolagosua ai i atina'e ma taumafaiga uma a lo tatou malo. O a foi ni to'atugā o le soifuaga o lo'o nunu ai le toau i lotoifale o nuu ma aiga, ia mau pea le to'ovae. Tatou lalafo i le Atua le tatou folauga, ina ia mavae atu afā o luitau ma suiga ma'aleale o lenei talutalufou, ae ia fotua'i mai se taeao fou mo se faafouga fou auā se manuia o le atunuu.

E momoli atu foi le faafetai i nai o tatou aiga uma o lo'o alala ma papa'aao i so'o se tafa o le lalolagi. O lo'o tu'i mai le mulipapaga ma lalafo mai lo latou tau'au e tausoa le avega i le tautuaina o aiga, o nuu ma ekalesia, aemaise o le atinaeina o le atunuu. Faafetai le agalelei, faamalo le tautua matavela.

O lea foi ua mapu i le sasaga le utugāvai a alo ma fanau i punaoa o le poto salalau, ma e momoli atu ai le faamalo ona o lo outou māelega i tausiniōga i aoaoga o lenei tausaga. O outou lava o anofale o aiga, o nu'u ma ekalesia. A lelei ona tapu'e le anofale, o le a manuia ma toafilemu le atunuu.

Fai mai le evagelia a Luka, "Auā o le aso nei ua fanau ai iā te outou i le aai a Tavita le Faaola, o ia o Keriso le Alii." O lenei feau taumolimoli, ua valaauina ai i tatou ia tatou maua le loto maualalo ma le faamaoni. E saga faamausaliina ai lo tatou so'otaga vavalalata ma lo tatou Atua, i taimi e taugalemu ai ma taimi e si'isi'i ai le tai o luitau o lenei soifuaga. Auā e na te le tuua i tatou; auā e faamaoni lava lona alofa.

Ia faamanuia ma leoleoina e aao alofa o le Atua i tatou uma, ma ia faatumauina foi lona filemu i luga o si o tatou atunuu i lenei Aso Kerisimasi.

Manuia tele le Kerisimasi.

Soifua

CHRISTMAS ADDRESS BY AFIOGA I LE AO MAMALU O LE MALO - TUIMALEALIIFANO VAALETO'A SUALAUVI II, [December 2025]

My beloved people of Samoa. I extend my warmest greetings to you all across our nation and abroad on this Christmas, a day marked by worship and renewed faith, reflection and joy, softening of hearts and reconciliation, and rekindling of hope as we unite in spirit to celebrate the birth of our Lord Jesus, our Saviour and Redeemer.

As we reflect on the year now drawing to a close, we do so with humility and gratitude to our Heavenly Father for the achievements and progress He has empowered us to pursue. We have traversed challenges and trials that have tested our patience and endurance, but our Christian faith has strengthened us to persevere and march forward. In those moments, we were reminded that true resilience is sustained not only by human effort, but by trust in God, and loving and caring for one another.

The Christmas story speaks powerfully into our own journey, and should always remind us of God's grace and boundless mercy for humanity. His Son Jesus laid aside his princely glory, power and status and embraced the frailty of human existence. He was not born into a life of wealth, comfort and certainty, but into humility, simplicity, and service. Yet from that quiet night in a manger at Bethlehem, He has become the light of the world that continues to shine across generations, bringing hope, peace, Godly love, and salvation to mankind. This is the enduring message of Christmas.

May I express my sincere gratitude to all who have served our nation and people faithfully throughout the year.

I acknowledge the vital role of our church leaders and clergy amongst the various denominations both in Samoa and abroad in uplifting the spiritual life of our people. Your tireless efforts, prayers and supplication have been instrumental in making Samoa a nation of faith, blessed by God.

I acknowledge the Honourable Prime Minister and Cabinet for their leadership of the newly appointed government of our country. Samoa has entrusted you with the solemn responsibility of steering and guiding our nation in this 18th Parliamentary Term. May your Christian faith and quest for unity and reconciliation prevail as you guide our nation toward enduring peace, prosperity, and the well-being of our people.

I acknowledge the Honorable Speaker of the House and Members of Parliament, the representatives of the 51 electoral districts of Samoa. I congratulate you on your deliberations, especially our national budget, which now provides a strong foundation for the continued development and progress of our country.

I acknowledge his Honor Chief Justice and the Judiciary for their unwavering execution of judicial duties to ensure that the rule of law is upheld with integrity and fairness for our people.

I acknowledge all government employees, members of the business community, and development partners for your steadfast service to our Government and nation.

I acknowledge the Councils of Chiefs and Orators, our elderly people, women's committees, youth, and all the people of Samoa, for your respective services and contributions in support of the initiatives and aspirations of our Government for the welfare of our families, villages and communities.

I extend heartfelt gratitude to our people residing across the globe, for your love and support, for your families, villages, and churches, and contributing to the development and progress of Samoa.

Finally, I commend the diligent efforts of our children and youth in the pursuit of knowledge and your perseverance in learning throughout the year. One day you will become pillars of your families, villages, churches, and the Government of Samoa.

Christmas calls us to look beyond ourselves. It invites us to show kindness to the vulnerable, comfort to the grieving, and support to those facing hardship. In extending mercy and love to others, we bear witness to the grace of God revealed in the birth of Christ.

As a nation, we are called to walk together in unity, respect, and peace. While differences may arise, Christmas reminds us that reconciliation begins with humility, forgiveness, and love. May this holy season renew our commitment to harmony, understanding, and the common good.

The proclamation of the Gospel of Luke has been fulfilled,

For unto you is born this day in the city of David a Savior, who is Christ the Lord."

May Christmas continue to remind us that Jesus is Immanuel, God with us. He will never leave us, nor forsake us, because God is faithful and true to all His promises.

May the peace of Christ dwell in every home. May joy be renewed in our families, strength given to the weary and hope vested in every heart.

May the Lord bless and keep us, and may His peace be upon all our people and the whole world on this Christmas Day.

Merry Christmas Samoa.

Soifua.