Ministry of Foreign Affairs of Mongolia
Ministry of Foreign Affairs of Mongolia
09/01/2026 | Press release | Distributed by Public on 08/31/2026 22:14
ХИЧЭЭЛИЙН ШИНЭ ЖИЛИЙН НЭЭЛТИЙН ҮЙЛ АЖИЛЛАГАА БОЛЛОО.
Энэ хичээлийн жилд хүүхэд багачуудынхаа сурч боловсрох, хөгжих, чөлөөт цагаа зөв боловсон өнгөрүүлэх орчин нөхцөлийг сайжруулах чиглэлээр олон бүтээн байгуулалт, хөрөнгө оруулалтын ажлууд хийгдэж байна.
Сургуулийн их засварын ажилд 2.0 тэрбум төгрөгийн хөрөнгө оруулалт хийгдэж, хүүхдүүд ая тухтай, аюулгүй орчинд сурч боловсрох боломж бүрдэж байна.
Гадна тоглоомын талбайн засвар, тохижилтын ажилд 125 сая төгрөг зарцуулж, хүүхэд багачууд спортоор хичээллэх, идэвхтэй хөдөлгөөн хийх орчин нөхцөлийг сайжруулж байна.
Номын сангийн орчин, үйлчилгээг шинэчлэн сайжруулж, сурагчдын ном унших, мэдлэг боловсролоо дээшлүүлэх боломжийг нэмэгдүүлж байна.
Хүүхэд, залуучууд чөлөөт цагаа зөв боловсон, аюулгүй орчинд өнгөрүүлэх боломжийг бүрдүүлэх зорилгоор гэрэлт гудамжны ажилд 40 сая төгрөгийн хөрөнгө оруулалт хийгдэж байна.
Мөн Мэдээллийн төвийн ажилд 209.6 сая төгрөг зарцуулж, хүүхэд, залуучуудын мэдлэг, мэдээлэл олж авах, цахим орчинд суралцах, өөрийгөө хөгжүүлэх боломжийг улам бүр нэмэгдүүлж байна.
Эдгээр бүтээн байгуулалт, хөрөнгө оруулалт бүрийн цаана хүүхэд бүрийн сурч хөгжих эрх, ирээдүйдээ итгэлтэй алхах боломжийг нэмэгдүүлэх эрхэм зорилго оршиж байна.
Нийт багш, сурагчид, эцэг эхчүүддээ амжилт бүтээлээр дүүрэн, эрч хүчтэй, аз жаргалтай хичээлийн шинэ жилийн мэнд хүргэе!
Ministry of Foreign Affairs of Mongolia published this content on September 01, 2026, and is solely responsible for the information contained herein. Distributed via Public Technologies (PUBT), unedited and unaltered, on September 01, 2026 at 04:14 UTC. If you believe the information included in the content is inaccurate or outdated and requires editing or removal, please contact us at [email protected]