Ministry of Foreign Affairs of the Republic of Armenia

06/17/2026 | Press release | Distributed by Public on 06/17/2026 12:33

ՀՀ ԱԳ նախարարի տեղակալի հանդիպումը ԵԱՀԿ շվեյցարական նախագահության հատուկ աշխատանքային խմբի ղեկավարի հետ

ՀՀ ԱԳ նախարարի տեղակալի հանդիպումը ԵԱՀԿ շվեյցարական նախագահության հատուկ աշխատանքային խմբի ղեկավարի հետ

17 հունիսի, 2026

Հունիսի 17-ին ՀՀ ԱԳ նախարարի տեղակալ Ռոբերտ Աբիսողոմոնյանը հանդիպում է ունեցել ԵԱՀԿ շվեյցարական նախագահության հատուկ աշխատանքային խմբի ղեկավար Մուրիել Պենըվերի հետ։

Հանդիպման ընթացքում զրուցակիցներն անդրադարձ են կատարել ԵԱՀԿ շվեյցարական նախագահության առաջնայնություններին և քննարկել ԵԱՀԿ շրջանակներում փոխգործակցության խորացման, ինչպես նաև փոխադարձ հետաքրքրություն ներկայացնող հարցերի շուրջ համագործակցության ընդլայնման հեռանկարները։

Անդրադարձ է կատարվել տարածաշրջանային անվտանգությանն առնչվող հարցերի լայն շրջանակի։ ԱԳ նախարարի տեղակալ Ռոբերտ Աբիսողոմոնյանը ներկայացրել է Հարավային Կովկասում վերջին զարգացումները՝ ընդգծելով տարածաշրջանում հաստատված խաղաղության հետագա ինստիտուցիոնալացման կարևորությունը։

ՀՀ ԱԳ նախարարի տեղակալը ներկայացրել է նաև տարածաշրջանային փոխկապակցվածության զարգացմանն ուղղված քայլերը, այդ թվում՝ ԹՐԻՓՓ ծրագրի իրականացման ուղղությամբ արձանագրված առաջընթացը։

Ministry of Foreign Affairs of the Republic of Armenia published this content on June 17, 2026, and is solely responsible for the information contained herein. Distributed via Public Technologies (PUBT), unedited and unaltered, on June 17, 2026 at 18:33 UTC. If you believe the information included in the content is inaccurate or outdated and requires editing or removal, please contact us at [email protected]