Ministry of Foreign Affairs of the Republic of Armenia

01/27/2026 | Press release | Distributed by Public on 01/27/2026 13:16

ՀՀ ԱԳՆ գլխավոր քարտուղարի հանդիպումը Լիտվայի ԱԳՆ կանցլերի հետ

ՀՀ ԱԳՆ գլխավոր քարտուղարի հանդիպումը Լիտվայի ԱԳՆ կանցլերի հետ

27 հունվարի, 2026

Հունվարի 27-ին աշխատանքային այցով Լիտվայում գտնվող ՀՀ ԱԳՆ գլխավոր քարտուղար Դավիթ Կարապետյանը հանդիպում է ունեցել Լիտվայի ԱԳՆ կանցլեր Այստե Ստակենիենեի հետ:

Զրուցակիցները քննարկել են փոխադարձ հետաքրքրություն ներկայացնող հարցեր՝ ընդգծելով երկու երկրների արտաքին քաղաքական գերատեսչությունների միջև շփումների և ոլորտային համագործակցության խորացման կարևորությունը: Դավիթ Կարապետյանն իր գործընկերոջն է ներկայացրել նաև Հայաստանի դիվանագիտական դպրոցի գործունեությունը՝ վերահաստատելով հայկական կողմի պատրաստակամությունը լիտվական կողմի հետ փորձի փոխանակման և փոխշահավետ համագործակցության հաստատման ուղղությամբ:

Դավիթ Կարապետյանը հանդիպումներ է ունեցել նաև Լիտվայի ԱԳ նախարարի տեղակալ Օդրա Պլեպիտեի, քաղաքական հարցերով տնօրեն Լայմոնաս Տալատ-Կելպշայի հետ, աշխատանքային քննարկումներ է ունեցել մի շարք ոլորտային վարչությունների ղեկավարների հետ:

ՀՀ ԱԳՆ գլխավոր քարտուղարը լիտվացի գործընկերներին է ներկայացրել Հարավային Կովկասում զարգացումները՝ այս համատեքստում ընգծելով Հայաստանի և ԱՄՆ կառավարությունների կողմից «ԹՐԻՓՓ ուղի» նախագծի իրականացման շրջանակի ընդունումը:

Հանդիպումների ընթացքում անդրադարձ է կատարվել նաև առաջիկայում Երևանում կայանալիք Եվրոպական քաղաքական համայնքի 8-րդ գագաթաժողովի նախապատրաստական աշխատանքներին, մտքեր են փոխանակվել ՀՀ-ԵՄ գործընկերության ռազմավարական օրակարգի շրջանակներում երկկողմ փոխգործակցության ընդլայնման հնարավորությունների շուրջ:

Ministry of Foreign Affairs of the Republic of Armenia published this content on January 27, 2026, and is solely responsible for the information contained herein. Distributed via Public Technologies (PUBT), unedited and unaltered, on January 27, 2026 at 19:16 UTC. If you believe the information included in the content is inaccurate or outdated and requires editing or removal, please contact us at [email protected]