Ministry of Foreign Affairs of the Republic of Armenia

09/12/2025 | Press release | Archived content

Քաղաքական խորհրդակցություններ Հայաստանի Հանրապետության և Թաիլանդի Թագավորության ԱԳ նախարարությունների միջև

Քաղաքական խորհրդակցություններ Հայաստանի Հանրապետության և Թաիլանդի Թագավորության ԱԳ նախարարությունների միջև

12 սեպտեմբերի, 2025

Սեպտեմբերի 12-ին Երևանում կայացել են Հայաստանի Հանրապետության և Թաիլանդի Թագավորության արտաքին գործերի նախարարությունների միջև առաջին քաղաքական խորհրդակցությունները՝ ՀՀ ԱԳՆ Ասիայի և խաղաղօվկիանոսյան երկրների վարչության պետ Անահիտ Կարապետյանի և Թաիլանդի ԱԳՆ Եվրոպական հարցերի վարչության գլխավոր տնօրեն Կրոնգկանիտ Ռակչարեոնի գլխավորությամբ:

Կողմերը քննարկել են երկկողմ համագործակցության հեռանկարները՝ երկուստեք պատրաստակամություն հայտնելով զարգացնել առկա քաղաքական երկխոսությունը: Հանդիպման ընթացքում անդրադարձ է կատարվել երկկողմ օրակարգին վերաբերող հարցերի լայն շրջանակի, այդ թվում՝ տնտեսական կապերի զարգացմանը, զբոսաշրջության, տեղեկատվական տեխնոլոգիաների և նորարարությունների ոլորտներում համագործակցության հնարավորություններին, իրավապայմանագրային դաշտի ընդլայնմանը, կրթական և մշակութային փոխանակումներին: Կողմերն անդրադարձ են կատարել նաև միջազգային կազմակերպություններում և այլ բազմակողմ հարթակներում համագործակցությանը:

Անդրադարձ է կատարվել նաև տարածաշրջանային և միջազգային զարգացումներին։ ՀՀ ԱԳՆ Ասիայի և խաղաղօվկիանոսյան երկրների վարչության պետը զրուցակցին հանգամանալից ներկայացրել է Հայաստանի կողմից առաջ մղվող խաղաղության օրակարգը, այդ թվում Վաշինգտոնում Հայաստանի և Ադրբեջանի միջև հարաբերությունների կարգավորման գործընթացում Վաշինգտոնում ձեռք բերված պայմանավորվածությունները, ինչպես նաև տարածաշրջանային և միջտարածաշրջանային փոխկապակցվածության ընդլայնման ու համակողմանի համագործակցության զարգացման շուրջ Հայաստանի տեսլականը: Թաիլանդի ԱԳՆ Եվրոպական հարցերի վարչության գլխավոր տնօրենը ներկայացրել է Հարավարևելյան Ասիայում վերջին զարգացումները։

Այցի շրջանակներում պատվիրակությանն ընդունել է նաև ՀՀ արտաքին գործերի նախարարի տեղակալ Մնացական Սաֆարյանը, որի հետ հանդիպմանը ևս անդրադարձ է կատարվել Հայաստան-Թաիլանդ հարաբերությունների երկկողմ և բազմակողմ օրակարգի մի շարք հարցերի, տարածաշրջանային զարգացումներին:

ՀՀ ԱԳ նախարարի տեղակալը թաիլանդական կողմին է ներկայացրել ՀՀ կառավարության կողմից մշակված «Խաղաղության խաչմերուկ» նախագիծը:

Ministry of Foreign Affairs of the Republic of Armenia published this content on September 12, 2025, and is solely responsible for the information contained herein. Distributed via Public Technologies (PUBT), unedited and unaltered, on September 15, 2025 at 17:03 UTC. If you believe the information included in the content is inaccurate or outdated and requires editing or removal, please contact us at [email protected]