Сумдад ээлжит баталгаажуулалтын ажлыг хийж гүйцэтгэлээ.

Төв аймаг дахь Стандарт, хэмжил зүйн хэлтсийн даргын баталсан удирдамжийн дагуу 2025 оны 09 сарын 04-06-ны өдрүүдэд Аргалант, Баянцогт, Угтаалцайдам, Цээл сумдын 31 үйлчилгээнд тохирлын үнэлгээ, төсвийн байгууллага, эрүүл мэндийн төвүүд болон худалдаа, үйлчилгээний газруудад ашиглагдаж буй 58ш ширхэг жин, 12ш цусны даралтын аппаратыг шалгалт баталгаажуулалтад хамрууллаа. Тус хэлтэс нь тохирлын гэрчилгээ авах аж ахуйн нэгж, иргэдээс www.cert.masm.gov.mn баталгаажуулалтын нэгдсэн системийг ашиглан цахимаар хүсэлтийг авч эхэлсэн бөгөөд дээрх сумдын үйлдвэрлэл, үйлчилгээ эрхлэгчдэд баталгаажуулалтын нэгдсэн цахим системийн ашиглалт болон шинэчлэгдсэн стандартын талаар мэдээлэл өгч 26 ширхэг стандартыг олгохын зэрэгцээ хэлтсийн үйл ажиллагааны талаарх сэтгэл ханамжийн судалгаа авч ажиллалаа.