The President of the Republic of Armenia

11/14/2025 | Press release | Distributed by Public on 11/14/2025 06:11

Հանրապետության նախագահ Վահագն Խաչատուրյանն ընդունել է Ուրուգվայի «Սեյբալ» կազմակերպության ներկայացուցիչներին

Հանրապետության նախագահ Վահագն Խաչատուրյանն ընդունել է Ուրուգվայի «Սեյբալ» կազմակերպության հիմնադիր Միգել Բրեխերին և կազմակերպության Արհեստական բանականության և կրթության հարցերով մենեջեր Մաուրո Կարբալյոյին։

Նախագահը ողջունել է նրանց այցը Հայաստան՝ ընդգծելով կրթության, բարձր տեխնոլոգիաների և արհեստական բանականության ոլորտներում «Սեյբալ» կենտրոնի հետ համագործակցության կարևորությունը։

Հանդիպման ընթացքում կարևորվել է նաև Ուրուգվայում «Թումո» կենտրոնի հիմնումը, որը նոր հնարավորություն է ստեղծում երկկողմ փորձի փոխանակման, կրթական ծրագրերի համատեղ զարգացման և բարձր տեխնոլոգիական կրթության տարածման համար։ Քննարկվել է կրթության ու նորարարական տեխնոլոգիաների ոլորտներում փոխգործակցային ներուժի նպատակային իրագործումը, ինչպես նաև ժամանակակից տեխնոլոգիաների կիրառմամբ երկու երկրների համագործակցության զարգացման հեռանկարը։

Նախագահը կարևորել է «Սեյբալ» ծրագրի գործառույթներն ու փորձառությունը՝ ընդգծելով, որ այն զբաղվում է նոր տեխնոլոգիաների ներդրմամբ ամբողջական կրթական համակարգում՝ ներառյալ դպրոցների թվայնացումը, ուսուցման մոդելների արդիականացումը և տեխնոլոգիական հավասար մատչելիության ապահովումը։ Քննարկվել է նաև տեխնոլոգիական սարքավորումների վերամշակման և բարձր տեխնոլոգիական թափոնների պատասխանատու կառավարման ոլորտում համագործակցության հնարավորությունը, ինչը հրատապ նշանակություն ունի ինչպես կրթական, այնպես էլ բնապահպանական ու տեխնոլոգիական քաղաքականության տեսանկյունից։

← Վերադառնալ

The President of the Republic of Armenia published this content on November 14, 2025, and is solely responsible for the information contained herein. Distributed via Public Technologies (PUBT), unedited and unaltered, on November 14, 2025 at 12:11 UTC. If you believe the information included in the content is inaccurate or outdated and requires editing or removal, please contact us at [email protected]