Ministry of Foreign Affairs of the Republic of Armenia

09/25/2025 | Press release | Distributed by Public on 09/26/2025 09:54

ՀՀ ԱԳ նախարարի տեղակալ Ռոբերտ Աբիսողոմոնյանը մասնակցությունը Միջին եկամուտ ունեցող երկրների համախոհների խմբի 10-րդ նախարարական հանդիպմանը

ՀՀ ԱԳ նախարարի տեղակալ Ռոբերտ Աբիսողոմոնյանը մասնակցությունը Միջին եկամուտ ունեցող երկրների համախոհների խմբի 10-րդ նախարարական հանդիպմանը

25 սեպտեմբերի, 2025

Սեպտեմբերի 25-ին Նյու Յորքում՝ ՄԱԿ ԳԱ 80-րդ նստաշրջանի շրջանակներում, ՀՀ ԱԳ նախարարի տեղակալ Ռոբերտ Աբիսողոմոնյանը մասնակցել և ելույթով հանդես է եկել Միջին եկամուտ ունեցող երկրների համախոհների խմբի 10-րդ նախարարական հանդիպմանը:

Իր ելույթում ԱԳ նախարարի տեղակալն անդրադրաձել է զարգացման համագործակցության ճարտարապետության խոցելիության և առկա համակարգային բացերի արդյունքում միջին եկամուտ ունեցող երկրների զարգացման հեռանկարների սահմանափակումներին:

Անդրադառնալով միջին եկամուտ ունեցող երկրների առջև ծառացած մարտահրավերների հասցեագրմանը՝ ԱԳ նախարարի տեղակալ Ռոբերտ Աբիսողոմոնյանը կարևորել է միջազգային ֆինանսական ճարտարապետության բարեփոխման, ՄԱԿ զարգացման համակարգի ամրապնդման և միջին եկամուտ ունեցող երկրների համար միջազգային զարգացման համագործակցության համակարգի վերափոխման անհրաժեշտությունը: Ընդգծել է, որ այդ հանձնառությունների իրականացման արդյունքում միջին եկամուտ ունեցող երկրների համար հնարավոր կլինի ապահովել համապատասխան ֆինանսավորում, ենթակառուցվածքների և կարողությունների զարգացման խթանում, ինչպես նաև երկարաժամկետ դիմակայունությանը և զարգացմանն ուղղված աջակցություն:

ՀՀ ԱԳ նախարարի տեղակալն ընդգծել է Միջին եկամուտ ունեցող երկրների բարձր մակարդակի նախարարական համաժողովի և Մակատիի հռչակագրի արդյունքներով երկրների ստանձնած պարտավորությունների իրականացման կարևորությունը՝ այս համատեքստում շեշտելով միջին եկամուտ ունեցող երկրների համար գործողությունների ռազմավարական ծրագրի մշակման անհրաժեշտությունը:

Ամփոփելով՝ Ռոբերտ Աբիսողոմոնյանը վերահաստատել է ՀՀ հանձնառությունը՝ միջին եկամուտ ունեցող երկրների միջև ավելի ամուր գործընկերության առնչությամբ՝ ուղղված երկրերի միջև ընդհանուր ներուժի բացահայտմանը և համաշխարհային զարգացման ճարտարապետության մեջ հավասար դիրքերի ապահովմանը:

Ministry of Foreign Affairs of the Republic of Armenia published this content on September 25, 2025, and is solely responsible for the information contained herein. Distributed via Public Technologies (PUBT), unedited and unaltered, on September 26, 2025 at 15:54 UTC. If you believe the information included in the content is inaccurate or outdated and requires editing or removal, please contact us at [email protected]