Ministry of Foreign Affairs of the Republic of Armenia

09/12/2025 | Press release | Distributed by Public on 09/12/2025 07:08

Շվեդիայի Թագավորության նորանշանակ դեսպանն իր հավատարմագրերի պատճենն է հանձնել ՀՀ ԱԳ նախարարի տեղակալին

Շվեդիայի Թագավորության նորանշանակ դեսպանն իր հավատարմագրերի պատճենն է հանձնել ՀՀ ԱԳ նախարարի տեղակալին

12 սեպտեմբերի, 2025

Սեպտեմբերի 12-ին ՀՀ ԱԳ նախարարի տեղակալ Վահան Կոստանյանն ընդունել է Հայաստանի Հանրապետությունում Շվեդիայի Թագավորության նորանշանակ արտակարգ և լիազոր դեսպան Եվա Սանդքվիստին՝ հավատարմագրերի պատճենը հանձնելու կապակցությամբ:

Երկուստեք ընդգծվել է վերջին տարիներին երկու երկրների միջև ձևավորված ակտիվ և կառուցողական քաղաքական երկխոսությունը՝ հիմնված ժողովրդավարական սկզբունքների և ընդհանուր արժեքների վրա։

Կողմերը կարևորել են Հայաստանում ժողովրդավարական բարեփոխումների գործընթացում Հայաստանի և Շվեդիայի միջև շարունակական կառուցողական փոխգործակցությունը, ինչպես նաև Նորդիկ-բալթյան երկրների (NB8) հետ ձևավորված համագործակցության ընդլայնումը:

Զրուցակիցներն անդրադարձ են կատարել նաև Հայաստան-ԵՄ գործընկերության օրակարգային հարցերին:

ՀՀ ԱԳ նախարարի տեղակալը ներկայացրել է Վաշինգտոնում Հայաստանի և Ադրբեջանի միջև հարաբերությունների կարգավորման գործընթացում ձեռք բերված պայմանավորվածությունները: Ընդգծելով Հարավային Կովկասում կայուն խաղաղության հասնելու ՀՀ վճռականությունը՝ Վահան Կոստանյանը ներկայացրել է տարածաշրջանային հաղորդակցությունների ապաշրջափակման արդյունքում ընձեռնվելիք հնարավորությունները:

Ministry of Foreign Affairs of the Republic of Armenia published this content on September 12, 2025, and is solely responsible for the information contained herein. Distributed via Public Technologies (PUBT), unedited and unaltered, on September 12, 2025 at 13:08 UTC. If you believe the information included in the content is inaccurate or outdated and requires editing or removal, please contact us at [email protected]