Results

Ministry of Foreign Affairs of the Republic of Armenia

04/13/2026 | Press release | Distributed by Public on 04/13/2026 07:52

ՀՀ ԱԳ նախարարի տեղակալի հանդիպումը Եվրոպայի խորհրդի Ծրագրերի համակարգման տնօրենի հետ

ՀՀ ԱԳ նախարարի տեղակալի հանդիպումը Եվրոպայի խորհրդի Ծրագրերի համակարգման տնօրենի հետ

13 ապրիլի, 2026

Ապրիլի 13-ին ՀՀ ԱԳ նախարարի տեղակալ Ռոբերտ Աբիսողոմոնյանն ընդունել է Եվրոպայի խորհրդի Ծրագրերի համակարգման տնօրեն Կլաուս Նոյկիրխին, ով Հայաստան է ժամանել Հայաստան-Եվրոպայի խորհուրդ Գործողությունների ծրագրի միջգերատեսչական կոմիտեի նիստին մասնակցելու նպատակով։

ԱԳ նախարարի տեղակալը բարձր է գնահատել Հայաստանի և Եվրոպայի խորհրդի միջև առկա քաղաքական երկխոսությունը և ծրագրային համագործակցությունը։

Ռոբերտ Աբիսողոմոնյանն ընդգծել է Եվրոպայի խորհրդի նշանակալի դերը Հայաստանի ժողովրդավարական հաստատությունների բարեփոխման, մարդու իրավունքների պաշտպանության և օրենքի գերակայության ամրապնդման գործում։ Այս համատեքստում ընդգծվել է Հայաստան-Եվրոպայի խորհուրդ 2023-2026թթ. Գործողությունների ծրագրի կարևորությունը՝ որպես Հայաստանում իրականացվող բարեփոխումների հավակնոտ օրակարգի աջակցությանն ուղղված ռազմավարական շրջանակի։

Կողմերը մտքեր են փոխանակել Հայաստան-Եվրոպայի խորհուրդ 2027-2030թթ. Գործողությունների ծրագրի մշակման գործընթացում համագործակցության խթանման և իրականացվող ծրագրերի շարունակականության ապահովման վերաբերյալ:

Ministry of Foreign Affairs of the Republic of Armenia published this content on April 13, 2026, and is solely responsible for the information contained herein. Distributed via Public Technologies (PUBT), unedited and unaltered, on April 13, 2026 at 13:52 UTC. If you believe the information included in the content is inaccurate or outdated and requires editing or removal, please contact us at [email protected]