Wat eng Frechheet!

Dëst ass de Slogan vun der ZLS-Campagne, bei där sech alles ëm déi méi frech Säit vun der Lëtzebuerger Sprooch dréit.

Déi nächst Wochen heescht et d'Aen opmaachen, wann Dir ënnerwee sidd! Am ëffentleche Raum wäert Dir nämlech deemnächst där enger oder anerer Frechheet iwwer de Wee lafen. Déi flott illustréiert Wierder sollen awer beileiwen net (just) beleidegen! Se sinn am Fong näischt anescht ewéi déi logesch Konsequenz dovun, dass d'Kategorie mat de Frechheeten eng vun de beléiftsten am Lëtzebuerger Online Dictionnaire ass. Effektiv interesséiere kaum Wierder d'Leit an enger Sprooch méi ewéi d'Frechheeten.

Dat Bescht un där ganzer Saach ass awer, dass Dir iwwer de Site www.frechheeten.lu fir Är Liblingsfrechheete kënnt ofstëmmen! A mat e bësse Chance kënnt Dir um Enn vun dësem Voting esouguer eppes gewannen.

A wann d'Visuelle vun der Campagne Iech gefalen, da kënnt Dir dës och iwwer de Site eroflueden.