МАЛЧДЫН АНХААРАЛД НАМРЫН УРГАЦ ХУРААЛТЫН АЖИЛ ИДЭВХИЖИЖ БАЙГАА ЭНЭ ҮЕД,ТАРИАЛАНГИЙН ТАЛБАЙГ ХАМГААЛЖ, МАЛ СҮРГЭЭ ХАРИУЛГАТАЙ БЭЛЧЭЭХИЙГ АНХААРУУЛЖ БАЙНА.

Тариалангийн бүс нутагт ургац хураалтын бэлтгэл ажил эхлэхтэй холбогдуулан малчид, мал бүхий иргэд та бүхэнд дараах зөвлөмжийг хүргэж байна.

Тариалангийн бүсээс зайдуу нутаглах

Намрын ургац хураалт дуусах хүртэл тариалангийн талбайн ойр орчимд нүүдэллэн оторлохгүй байж, бэлчээр нутгаа зөв зохицуулах.

Малын хариулга, манааг сайжруулах

Мал сүргийг тариалангийн талбай руу орохоос урьдчилан сэргийлж, өдөр, шөнийн цагт хариулга, манааг тогтмолжуулж, мал сүргээ хараа хяналттай байлгана уу.

Хууль тогтоомжийг мөрдөх

Тариалангийн талбайд мал орж, ургацад хохирол учруулсан тохиолдолд холбогдох хууль тогтоомжийн дагуу хариуцлага тооцож, учирсан хохирлыг нөхөн төлүүлэх асуудал үүсэх тул аливаа эрсдэлээс урьдчилан сэргийлнэ үү.

Малчид та бүхэн малаа хариулгатай бэлчээрлүүлж, тариаланчдын хөдөлмөрийг хүндэтгэн хамтран ажиллана уу.

ЗАСАГ ДАРГЫН ТАМГЫН ГАЗАР