Ministry of Finance of the Republic of Armenia

10/06/2026 | Press release | Distributed by Public on 10/06/2026 04:21

Համաշխարհային բանկի հետ համագործակցության ընթացիկ եւ առաջիկա ծրագրերի քննարկում Facebook Google + Twitter 06.10.2026

Համաշխարհային բանկի հետ համագործակցության ընթացիկ և առաջիկա ծրագրերի քննարկում

ՀՀ ֆինանսների նախարար Վահե Հովհաննիսյանի գլխավորությամբ տեղի է ունեցել հանդիպում Համաշխարհային բանկի Հարավային Կովկասի տարածաշրջանային տնօրեն Ռոլանդ Փրայսի, Համաշխարհային բանկի հայաստանյան գրասենյակի ղեկավար Ֆաբրիցիո Ձարկոնեի և Հայաստանի մրցակցության և ներդրումների զարգացման քաղաքականության գործառնության (Development Policy Operation - DPO) առաքելության ներկայացուցիչների հետ:

Հանդիպման առանցքային թեմաներից էին DPO ծրագրի շրջանակում նախատեսվող բարեփոխումների հիմնական ուղղություններն ու դրանց ընթացքը, մասնավորապես՝ քննարկվել են մրցակցային միջավայրի ամրապնդմանը, ներդրումների ներգրավմանն ու գործարար միջավայրի բարելավմանը, առևտրի դյուրացմանը, թվայնացմանը և տնտեսության արտադրողականության բարձրացմանն ուղղված միջոցառումները, ակնկալվող արդյունքները և դրանց իրականացման հետագա քայլերը։

Կողմերը մտքեր են փոխանակել նաև գյուղատնտեսության ոլորտին ուղղված նոր ծրագրի հայեցակարգի և դրա շրջանակում համագործակցության հնարավոր ուղղությունների շուրջ։

Ավարտին կողմերը կարևորել են երկխոսության և աշխատանքային քննարկումների շարունակականությունը՝ նախատեսվող բարեփոխումների և ծրագրերի շրջանակում հետագա քայլերի շուրջ փոխըմբռնումը խորացնելու և համագործակցության արդյունավետ ընթացքն ապահովելու նպատակով։

Ministry of Finance of the Republic of Armenia published this content on October 06, 2026, and is solely responsible for the information contained herein. Distributed via Public Technologies (PUBT), unedited and unaltered, on October 06, 2026 at 10:21 UTC. If you believe the information included in the content is inaccurate or outdated and requires editing or removal, please contact us at [email protected]