Prime Minister´s Office of the Faroe Islands

11/16/2025 | Press release | Distributed by Public on 11/16/2025 13:29

Hægri loft á endurgjald fyri mista arbeiðsinntøku

Hósdagin samtykti eitt einmælt løgting lógaruppskotið, sum hækkar hægst møguliga endurgjald fyri mista arbeiðsinntøku úr 27.779 krónum í 31.000 krónur um mánaðin, umframt frítíðarløn og bundið eftirlønargjald. Endurgjaldið hækkar 1. januar 2026.

Endurgjald fyri mista arbeiðsinntøku verður veitt í sambandi við ansing av barni við varandi sjúku ella breki, tá persónur við seinaheilaskaða verður ansaður í heiminum, ansing av doyggjandi undir fólkapensjónsaldri, og tá barn yngri enn 18 ár doyr ella er deyðføtt.

At endurgjaldið fyri mista arbeiðsinntøku hækkar við meira enn 3.000 kr. um mánaðin fer at bøta munandi hjá familjunum, sum fáa endurgjald fyri mista arbeiðsinntøku, og fer at geva familjunum størri frælsi at skipa seg, sigur landsstýrismaðurin í almannamálum, Eirikur í Jákupsstovu.
Prime Minister´s Office of the Faroe Islands published this content on November 16, 2025, and is solely responsible for the information contained herein. Distributed via Public Technologies (PUBT), unedited and unaltered, on November 16, 2025 at 19:29 UTC. If you believe the information included in the content is inaccurate or outdated and requires editing or removal, please contact us at [email protected]