Ministry of Foreign Affairs of the Republic of Armenia

10/29/2025 | Press release | Distributed by Public on 10/29/2025 06:09

ՀՀ ԱԳ նախարարի տեղակալ Վահան Կոստանյանի հանդիպումը ԵՄ ԱԳԵԾ և Եվրոպական հանձնաժողովի ընդլայնման և արևելյան հարևանության հարցերով գլխավոր տնօրինության համատեղ պատվիրակության հետ

ՀՀ ԱԳ նախարարի տեղակալ Վահան Կոստանյանի հանդիպումը ԵՄ ԱԳԵԾ և Եվրոպական հանձնաժողովի ընդլայնման և արևելյան հարևանության հարցերով գլխավոր տնօրինության համատեղ պատվիրակության հետ

29 հոկտեմբերի, 2025

Հոկտեմբերի 28-ին ՀՀ ԱԳ նախարարի տեղակալ Վահան Կոստանյանը հանդիպում է ունեցել ԵՄ արտաքին գործողությունների ծառայության Արևելյան Եվրոպայի և Կենտրոնական Ասիայի հարցերով կառավարող տնօրենի տեղակալ Օդրոնե Պերկաուսկինեի և Եվրոպական հանձնաժողովի Ընդլայնման և Արևելյան հարևանության գլխավոր տնօրինության Արևելյան հարևանության և Թուրքիայի հարցերով տնօրեն Էդրիեն Կիրալիի գլխավորած պատվիրակության հետ:

Զրուցակիցները մտքեր են փոխանակել Հայաստանի և Եվրոպական Միության միջև երկկողմ օրակարգի շուրջ՝ ողջունելով Գործընկերության օրակարգի շուրջ բանակցությունների ավարտը, և քննարկել են վերջինիս ընդունման ժամկետները։

Ընդգծվել է, որ ակտիվ քաղաքական երկխոսությունը և բարձր մակարդակի փոխայցելությունները զգալի առաջընթաց են ապահովել Հայաստանի և Եվրոպական Միության միջև գործընկերության խորացման հարցում: Երկուստեք շեշտվել է տնտեսական և տրանսպորտային կապակցվածությունը խթանելուն ուղղված փոխշահավետ նախագծեր իրականացնելու կարևորությունը, որոնք կարող են հավանության արժանանալ և ամրապնդվել Հայաստանի և Ադրբեջանի միջև հաստատված խաղաղությամբ, ինչպես նաև օգոստոսին Վաշինգտոնում ձեռք բերված համաձայնություններով:

Քննարկվել են նաև մի շարք ոլորտներում համագործակցությանը, մասնավորապես՝ ներկայիս հիբրիդային սպառնալիքների հաղթահարման մեխանիզմներին առնչվող հարցեր:

Ministry of Foreign Affairs of the Republic of Armenia published this content on October 29, 2025, and is solely responsible for the information contained herein. Distributed via Public Technologies (PUBT), unedited and unaltered, on October 29, 2025 at 12:09 UTC. If you believe the information included in the content is inaccurate or outdated and requires editing or removal, please contact us at [email protected]