OBJECTIVES OF THE OPERATION

Стратегийн зорилт 1. Морин хуур хөгжимд суурилсан үндэсний найрал хөгжим, үндэсний болон сонгодог дуулалт, драмын жүжиг, бүжгийн уран бүтээлүүдийг мэргэжлийн түвшинд туурвин төвийн бүсийн тэргүүлэх театр болно. Стратегийн зорилт-2. Говь нутгийн ардын язгуур урлагийн бүтээлүүдийг сэргээн туурвиж, ахмад уран бүтээлчдийн дэг соёлыг залуу уран бүтээлчдэд өвлөн уламжлуулж, тасралтгүй хөгжүүлэх бодлогыг хэрэгжүүлнэ. Стратегийн зорилт-3. Хүний нөөцийг бэлтгэх, давтан сургах, мэргэшүүлэх тогтолцоог бий болгож, тэднийг дэмжих, нийгмийн баталгааг сайжруулах бодлого боловсруулж хэрэгжүүлнэ. Стратегийн зорилт-4. Хүүхэд залуучуудын урлаг уран сайхны мэдлэг боловсролыг дээшлүүлэх, хөгжүүлэх сургалтыг мэргэжлийн уран бүтээлчдэд тулгуурлан тогтмол зохион байгуулж "Соёлтой үзэгч", шинэ залуу уран бүтээлчдийг бэлтгэх хөтөлбөрийг шат дараатай хэрэгжүүлнэ. Стратегийн зорилт-5. Гадаад дотоодын ижил төстэй үйл ажиллагаатай байгууллагуудтай хамтын ажиллагааны гэрээ байгуулж, уран бүтээл, сургалт, судалгааны чиглэлд харилцан туршлага солилцож, гадаад харилцааг хөгжүүлнэ. Стратегийн зорилт-6. Байгууллагын менежмент, маркетингийг шинэ түвшинд хүргэж байгууллагын өөрийн орлогыг нэмэгдүүлэх замаар эдийн засгийн үр ашгийг нэмэгдүүлнэ.