Ministry of Foreign Affairs of Mongolia

12/18/2025 | Press release | Distributed by Public on 12/18/2025 20:40

TEACHING CERTIFICATION PROGRAM CONCLUDES

Багшийн хөгжил, суралцахуйг дэмжих төвөөс МУБИС-ийн Боловсрол судлалын сургуультай хамтран шинээр томилогдсон багш, албан хаагчдад "Багшлах эрхийн сургалт"-ыг зохион байгууллаа.

Тус сургалтад 26 багш, албан хаагч хамрагдаж "Боловсрол судлал ба дээд боловсролын онолын үндэс", "Багшийн ёс зүй", "Заах арга зүй ба сургалтын загварчлал", "Сургалтын үнэлгээ, чанарын баталгаажуулалт", "Сургалтын хөтөлбөр боловсруулах арга зүй", "Дижитал технологи, цахим сургалтын хэрэглээ", "Багшийн хөгжлийн төлөвлөгөө ба эргэцүүлэл (portfolio)" зэрэг агуулгын хүрээнд 80 цагийн танхимын хичээл судалсан байна.

Сургалтын төгсгөлд багш нар өөрийн заах мэргэжлийн хичээлийн хөтөлбөр боловсруулж, Бүтээлийн (Portfolio) хавтсаар өөрийн сургалтын үйл ажиллагаа, туршлага, хөгжлийг баримтжуулсан юм.

Сургалтаа амжилттай төгссөн шинэ багш нарт Их сургуулийн Дэд бөгөөд Сургалтын газрын захирал, доктор (Ph.D), цагдаагийн хурандаа Ц.Азбаяр багшлах эрхийн үнэмлэхийг гардуулан "Багш хэмээх эрхэм, дотно алдраар дуудуулах болсонд чин сэтгэлээсээ баяр хүргэе" гээд хууль зүй, дотоод хэрэг, онцгой байдлын салбарын хүний нөөцийг бэлдэх эрдмийн их үйлсэд нь амжилт хүслээ.

Ministry of Foreign Affairs of Mongolia published this content on December 18, 2025, and is solely responsible for the information contained herein. Distributed via Public Technologies (PUBT), unedited and unaltered, on December 19, 2025 at 02:40 UTC. If you believe the information included in the content is inaccurate or outdated and requires editing or removal, please contact us at [email protected]