The President of the Republic of Armenia
The President of the Republic of Armenia
02/05/2026 | Press release | Distributed by Public on 02/05/2026 06:43
Նախագահ Վահագն Խաչատուրյանն ընդունել է Հայաստանում Քուվեյթի դեսպան Մուհամմադ Տարեկ Ալի Ալ-Օրայֆանին
Հանրապետության նախագահ Վահագն Խաչատուրյանն Ազգային տոնի կապակցությամբ ընդունել է Հայաստանում Քուվեյթի Պետության արտակարգ և լիազոր դեսպան Մուհամմադ Տարեկ Ալի Ալ-Օրայֆանին։
Ողջունելով դեսպանին՝ նախագահն՝ ի դեմս նրա, իր շնորհավորական խոսքն ու բարեմաղթանքներն է փոխանցել Քուվեյթի Պետության էմիր Նորին Վսեմություն շեյխ Միշալ Ալ Ահմադ Ալ Ջաբեր Ալ Սաբահին և Քուվեյթի ժողովրդին՝ Անկախության և Ազատագրման տոների առթիվ։
Հանրապետության նախագահը նշել է, որ Քուվեյթը Հայաստանի բարեկամ և եղբայրական երկիր է՝ ընդգծելով երկկողմ համագործակցության առկա ներուժի լիարժեք իրացման անհրաժեշտությունը և վստահություն հայտնելով, որ տարբեր ոլորտներում հնարավոր կլինի հաջողությամբ կյանքի կոչել ապագային միտված համատեղ ծրագրեր։
Քուվեյթի դեսպան Մուհամմադ Տարեկ Ալի Ալ-Օրայֆանը շնորհակալություն է հայտնել ջերմ ընդունելության և փոխանցված բարեմաղթանքների համար։
Հանդիպման ընթացքում երկուստեք կարևորվել է բարձր մակարդակի փոխայցելությունների ակտիվացումը՝ որպես երկկողմ հարաբերությունների հետագա զարգացման, խորացման և ամրապնդման կարևոր ուղղություն։ Այս համատեքստում ընդգծվել է նաև միջկառավարական հանձնաժողովների և ոլորտային գերատեսչությունների միջև շփումների ակտիվացման անհրաժեշտությունը։
Զրույցի ընթացքում քննարկվել են մշակութային համագործակցության ընդլայնման հնարավորությունները։ Կողմերն առանձնահատուկ կարևորություն են տվել Քուվեյթի հայկական համայնքի դերին՝ որպես երկու ժողովուրդների միջև փոխադարձ ըմբռնման և մշակութային կապերի ամրապնդման կամուրջ։
Երկուստեք շեշտվել է համագործակցության ներուժի առավել լիարժեք իրացման անհրաժեշտությունը՝ հատկապես զբոսաշրջության, կրթության, սպորտային զբոսաշրջության ոլորտներում, ինչպես նաև ուսանողների փոխանակման ծրագրերի ընդլայնման և շարունակականության ապահովման ուղղությամբ։
The President of the Republic of Armenia published this content on February 05, 2026, and is solely responsible for the information contained herein. Distributed via Public Technologies (PUBT), unedited and unaltered, on February 05, 2026 at 12:44 UTC. If you believe the information included in the content is inaccurate or outdated and requires editing or removal, please contact us at [email protected]