Vizita e drejtorit të Zyrës së Standardizimit të NATO në Shqipëri - Forcim i bashkëpunimit në fushën e standardizimit ushtarak

Vizita e drejtorit të Zyrës së Standardizimit të NATO në Shqipëri - Forcim i bashkëpunimit në fushën e standardizimit ushtarak

Më 7 dhe 8 tetor 2025, Forcat e Armatosura të Republikës së Shqipërisë pritën për një vizitë zyrtare drejtorin e Zyrës së Standardizimit të NATO-s (NSO), gjeneralmajor Thierry Poulette. Vizita u zhvillua në kuadër të përpjekjeve për thellimin e bashkëpunimit ndërmjet Shqipërisë dhe strukturave të Aleancës në fushën e standardizimit, si dhe për të forcuar rolin e vendit tonë në ketë proces të rëndësishëm për ndërveprueshmërinë ushtarake.

Fotogaleria

[Link]

Gjatë qëndrimit të tij në Shqipëri, gjeneralmajor Poulette zhvilloi një takim zyrtar me zëvendësministren e Mbrojtjes znj. Blerina Abrazhda. Në këtë takim u diskutuan çështje që lidhen me forcimin e kapaciteteve kombëtare për standardizim, perfshirjen më aktive të ekspertëve shqiptare në grupet e punës të NATO, si dhe nxitjen e shkëmbimeve teknike dhe profesionale me Zyrën e NATO-s për Standardizim.

Zëvendësministrja Abrazhda vlerësoi vizitën e gjeneralmajor Poulette si një tregues konkret i bashkëpunimit të ngushtë mes palëve dhe theksoi rëndësine që ka standardizimi në rritjen e efikasitetit, gatishmërisë dhe operacioneve të perbashkëta të Forcave të Armatosura tëe Shqipërisë me vendet aleate.

Në vijim të vizitës, në mjediset e auditorit të Ministrisë së Mbrojtjes, u zhvillua një takim i posaçëm me komunitetin e standardizimit të Forcave të Armatosura të Republikës së Shgipërisë. Në këtë aktivitet morën pjesë anëtarët e Bordit të Standardizimit, shefat e planifikimit, specialistët e fushës së standardizimit, personeli përgjegjes për ndjekjen e STANAG-eve sipas planit vjetor të ratifikimit për vitin 2025, si dhe kursantët e Kursit të Komandës dhe Shtabit të Përgjithshëm dhe të Kursit të Lartë të Oficerit në Kolegjin e Mbrojtjes dhe Sigurisë, se bashku me studente te Akademisë së Forcave të Armatosura.

[Link]

Gjeneralmajor Poulette mbajti një leksion informues mbi rëndësine e standardizimit në NATO, duke vënë theksin te proceset e zhvillimit dhe përditësimit të STANAG-eve, rëndësia e përputhshmërisë së procedurave dhe pajisjeve ndërmjet vendeve aleate, si dhe sfidat aktuale me të cilat përballet Aleanca në këtë fushë. Ai vlerësoi perpjekjet dhe angazhimin e Forcave të Armatosura të Shqipërisë në përmbushjen e detyrimeve, që lidhen me standardizimin dhe inkurajoi vijimin e këtij procesi me profesionalizëm dhe përkushtim.

Vizita e gjeneralmajor Poulette në Shqipëri perbën një moment domethënës për rritjen e bashkëpunimit dhe përforcimin e lidhjeve me strukturat e NATO në fushën e standardizimit. Ajo shërben si nxitje për të vijuar përpjekjet për permirësimin e kapaciteteve vendore dhe për integrimin e plotë të FA të Shqipërisë në proceset teknike dhe operative të Aleancës.

[Link]