The President of the Republic of Armenia

10/01/2025 | Press release | Distributed by Public on 10/01/2025 07:53

Նախագահ Վահագն Խաչատուրյանն ընդունել է Հայաստանում Կիպրոսի դեսպան Մայքլ Մավրոսին

Հանրապետության նախագահ Վահագն Խաչատուրյանն Անկախության օրվա կապակցությամբ ընդունել է Հայաստանում Կիպրոսի դեսպան Մայքլ Մավրոսին։

Նախագահը շնորհավորել է դեսպանին և ընդգծել, որ Հայաստանի ու Կիպրոսի հարաբերությունները հիմնված են պատմական բարեկամության և համերաշխության վրա։ Նա առանձնակի կարևորել է Կիպրոսի՝ որպես Հայաստանի վստահելի և արժեքավոր գործընկերոջ դերը, ինչպես նաև երախտագիտություն հայտնել Կիպրոսի կառավարության մշտական աջակցության համար՝ հատկապես դժվարին ժամանակաշրջաններում։

Դեսպան Մայքլ Մավրոսը շնորհակալություն է հայտնել ջերմ ընդունելության և շնորհավորանքի համար՝ ընդգծելով, որ կշարունակի գործադրել առավելագույն ջանք երկկողմ հարաբերությունների ակտիվացման և խորացման ուղղությամբ՝ ներառելով համագործակցության նոր ոլորտներ։

Զրուցակիցները նաև կարևորել են Երևանում և Նիկոսիայում ռեզիդենտ դեսպանությունների բացումը, ինչը կնպաստի փոխգործակցության ընդլայնմանն ու արդյունավետ զարգացմանը։

Հանդիպման ընթացքում կողմերը կարևորել են տարածաշրջանում խաղաղության հաստատման և կայունության ապահովման անհրաժեշտությունը։

← Վերադառնալ

The President of the Republic of Armenia published this content on October 01, 2025, and is solely responsible for the information contained herein. Distributed via Public Technologies (PUBT), unedited and unaltered, on October 01, 2025 at 13:53 UTC. If you believe the information included in the content is inaccurate or outdated and requires editing or removal, please contact us at [email protected]